فراه؛ د ۲۰۱ میلیونه افغانیو په لګښت بېلابېلې پروژې پلې شوې دي

د فراه د کلیو بیارغونې او پراختیا ریاست مسوولینو خبر ورکړی، چې په تېر ۱۴۰۴ لمریز کال کې په دغه ولایت کې د څه باندې ۲۰۱ میلیونه افغانیو په لګښت بېلابېلې پروژې پلې شوې دي. په یاد  ولایت کې د کلیو، بیارغونې او پراختیا ریاست مطبوعاتي مسوول محمد محمدي رسنیو ته ویلي، چې یاد ریاست په تېر ۱۴۰۴ کال کې د ۲۰۱ میلیونه ۲۰۰ زره افغانیو په لګښت یو شمېر پروژې پلې کړي، چې په کې د عمومي او فرعي سړکونو، استنادي دېوالونو، پلچکونو، د کوچینو بندونو او واشونو رغول او تر څنګ یې د اوبو رسولو د دوو شبکو، د ۱۲ څاه ګانو او ۱۵۲ متره په اوږدوالي د استنادي دېوال جوړل شامل دي.