ایران سره د چین د بیړنیو بشري مرستو د برابرولو پروګرام د لاسلیک مراسم د اپرېل په ۱۵مې نېټې د ايران په پلازمېنې تهران کې د دغه هېواد د سرې میاشتې ټولنې په مرکزي دفتر کې ترسره شول.
په دغو مراسمو کې په ایران کې د چین سفیر څونګ پې وو او د ایران د سرې میاشتې ټولنې مشر پير حسین کولیواند ګډون کړی و.
څونګ پې وو يادو مراسمو ته په وينا کې چین او ایران ښه ملګري او ښه همکاران بللي او په خبره یې، د دواړو هېوادونو د خلکو ترمنځ ملګرتیا اوږد تاریخ لري.
نوموړي ويلي، چین د ایرانیانو ستونزې له نږدې څاري او له ايران سره یې بیړنۍ بشري مرستې د ژمنتیا یوه روښانه بېلګه ده او غواړي، چې په ګردې نړۍ کې د انسانانو د ګډ برخلیک ټولنې مفکوره پلې او نړیوال بشري مسؤلیتونه پوره کړي.
کولیواند له چین څخه مننه کړې، چې څو ځلې يې په ډېرو ستونزمنو وختونو کې ایران ته د مرستې لاس ورکړی او په دوه اړخیزو او څو اړخیزو برخو کې یې د ایران ټینګ ملاتړ کړی او په خبره یې، د ايران او چين ترمنځ دوستي د وخت له ازموينې تېره شوې ده.
