د لوګر ولایت د پوهنې ریاست مسوولینو خبر ورکړی، چې له یاد ریاست سره د ۳۲۹ زره امریکايي ډالرو په ارزښت د اداري او درسي توکو مرسته شوې ده. د پوهنې ریاست ویاند شاه پور عرب رسنیو ته ویلي، چې دغه مرستې د پوهنې وزارت په همغږۍ د یونیسف له لوري ترسره شوې دي. د نوموړي په وینا، په دغو مرستو کې ۱۶۰ بستې اداري او تخنیکي وسایل او ۳۳۹۸ بستې د زدهکوونکو درسي توکي شامل دي. د سرچینې د مالوماتو له مخې، اداري بستې به پر ۱۶۰ ښوونځیو ووېشل شي، او درسي توکي به نږدې ۶۸ زره زدهکوونکو ته ورسېږي. د لوګر د پوهنې ریاست مسوولین وایي، دا مرستې به د ښوونځیو د تدریسي بهیر او اداري چارو په ښه والي کې مرسته وکړي.
لوګر؛ له ښوونځیو سره د ۳۲۹ زره ډالرو په ارزښت د درسي او اداري توکو مرسته شوې
Get real time update about this post categories directly on your device, subscribe now.
- Trending
- Comments
- Latest
