د چين دولت رئيس شي جين پينګ د مې د ۱۴مې نېټې په سهار د بېجينګ د خلکو په لوی تالار کې د امريکا له ولسمشر ډونالډ ټرمپ سره لیدلي دي.
دواړو مشرانو د چين او امريکا پر خپلمنځي اړيکو او ځينو نړيوالو مسئلو ۲ ساعته او ۱۵ دقيقې خبرې کړي او هوکړه یې کړې، چې دواړه هېوادونه به د ” رغنده ستراتيژيک ثبات“ په موخه خپلمنځي اړيکې ټينګې کړي او دا به په راتلونکو ۳ کلونو او هم په نور اوږمهال کې د دواړو هېوادونو په اړيکو کې د ستراتيژيکې لارښوونې رول ولوبوي.
نړيواله ټولنه د دواړو مشرانو لیدنې ته ډېره پاملرنه لري او د ګڼو هېوادونو شخصيتونو او کارپوهانو ويلي، چې د چين او امريکا د مشرانو ترمنځ لیدنه مهم تاريخي ارزښت لري او نړۍ ته يې مثبت پيغام ورکړی دی.
په امريکا کې د ختيځې اسيا د چارو کارپوه او د فايرلې ديکينسن پوهنتون پروفيسور جېسي ګېټز رسنيو ته ويلي، چې رئيس شي جين پينګ په خبرو کې د چين او امريکا اړيکې د يوې لويې بېړۍ په شان دي او دواړه هېوادونه باید د ګډو ستونزو د حل لپاره د يو بل سره مرستې او همکارۍ وکړي.
نوموړي د چين او امريکا ترمنځ د رغنده ستراتيژيک ثبات ابادي د دواړو خواوو د پرمختګ لازم انتخاب بللی او په خبره یې، د دواړو هېوادونو نږدېوالی به دواړو خواوو او هم نړۍ ته ګټې ورسوي.
