په بېجينګ کې د چين او امريکا مشرانو په وروستۍ ليدنه کې د دواړو هېوادونو د اړيکو د پرمختګ لپاره د ”رغنده ستراتيژيک ثبات“ موخه ټاکل شوې، چې له مخې به يې د چين او امريکا اړيکې د همکارۍ، مناسبې سيالۍ، د توپيرونو د کنټرول او د سولې پر بنسټ له مثبت، سالم، عادي او تلپاتې ثبات څخه ډکې وي.
د چين ميډيا ګروپ سي جي ټي ان په دې وروستيو کې د نړيوالو انترنيټ کاروونکو په منځ کې يوه اړونده سروې جوړه کړې. د دغې سروې ۸۷ سلنه ګډون کوونکي په دې نظر دي، چې چين او امريکا دې د يو او بل د پرمختګ هڅونه وکړي او ګډه سمسورتيا دې رامنځته کړي، نه دا چې ”زيرو- سم“ لوبه سره وکړي؛ ۷۱.۶ سلنه ګډون کوونکو څرګنده کړه، چې د چين او امريکا د اړيکو د پرمختګ لپاره د ”رغنده ستراتيژيک ثبات“ موخه ناثابتې نړۍ ته د ثبات هيله رسولی شي او د ټولې نړۍ د تلپاتې ثبات مخکنی شرط ګرځي.
