د چين د دولت رئيس شي جين پينګ او د روسيې ولسمشر ولاديمير پوتين د مې په ۱۷مه نېټه په جلا جلا توګه د چين او روسيې لسم نندارتون ته د مبارکۍ پيغامونه استولي دي.
د چين د دولت رئيس شي جين پينګ په خپل پيغام کې هيله وښوده چې د دواړو هېوادونو مختلفې ټولنې د دغه نندارتون له فرصت څخه ګټې پورته کړي، د چين او روسيې مختلفې ښيګنې څرګندې کړي، خپلمنځي هر اړخيزې او واقعي همکارۍ ژورې کړي، د دواړو هېوادونو د اقتصادي او ټولنيز پرمختګ هڅونه وکړي، خلکو ته پرله پسې ګټې ورسوي او د دواړو هېوادونو ترمنځ د هر اړخيز ستراتيژي مشکارت د دايمي پرمختګ لپاره نوي خدمتونه وکړي.
د روسيې ولسمشر ولاديمير پوتين په خپل پيغام کې ليکلي، د روسيې او چين نندارتون د دواړو هېوادونو ترمنځ تر ټولو لوی نندارتون ګرځېدلی او دواړو خواوو ته د مستقيمو او ژورو خبرو ډګر برابروي. سږنی نندارتون غني محتويات او د دوه اړخيزو همکاريو د مهمو ساحو تمرکز لري. هغه باور ښودلی چې دغه نندارتون مثبتې لاسته راوړنې ولري او د دواړو هېوادونو د متقابلو ګټو پر بنسټ همکارۍ پراخې کړي او خلکو ته ګټې ورسوي.
د چين او روسيې لسم نندارتون په همدې ورځ د چين د هې لونګجيانګ ولايت په هاربين ښار کې پرانيستل شوی دی.
