د چين د کمونېست ګوند د مرکزي کمېټې د سياسي بیورو غړي او بهرنيو چارو وزير وانګ يي د مې په ۱۸مې نېټې په بېجينګ کې د سيشل له بهرنيو چارو وزير باري جود جین فوور سره لیدلي دي.
وانګ يي له نوموړي سره په خبرو کې ويلي، د چين او سيشل اړيکو د دواړو هېوادونو د مشرانو د لارښوونې په رڼا کې ښه وده موندلې او د چين او سيشل د ډيپلوماتيکو اړيکو د ټينګېدو ۵۰مه کليزه يې د دواړو هېوادونو د اړيکو د لوړوالي لپاره يو فرصت بللي او هم يې د رئیس شي جين پينګ لخوا پر افريقايي هېوادونو د صفر تعرفې اعلان شوې تګلاره د سیشل لپاره يو ګټور فرصت بللی او په خبره یې، دغه تګلاره به د سیشل په شمول د افريقايي هېوادونو لپاره ډېر پرمختيايي فرصتونه برابر کړي.
فوور په خپلو خبرو کې ويلي، چې هېواد یې د يو چين پېژندنې پر اصل ټینګار لري او دا دريځ به يې په راتلونکي کې هم بدل نه شي او په وينا یې، سيشل د رئیس شي جين پينګ لخوا د وړاندې شويو ۴ نړيوالو نوښتونو ملاتړ کوي او د دواړو هېوادونو د لوړې کچې نږدې تبادلې به وساتي او له چين سره به عملي همکارۍ ژورې کړي.
