د چین د دولت رئيس مرستيال هان جنګ د مې په اتلسمې نېټې په بېجينګ کې د ۲۰۲۶م کال د نړيوالې سوداګرۍ او پانګونې د پرمختګ د سرمشريزې په پرانيستونکو مراسمو کې ګډون او وينا کړې ده.
نوموړي په خپلو خبرو کې څلور فقيره ييز وړانديز کړی دی:
۱- مونږ دې په ګډه پرانيستي او همکاريز نړيوال اقتصادي چاپېريال برابر کړو او پر څو اړخیزم او ورخلاصون او همکاريو دې ټينګار او د نړيوالې سوداګرۍ او پانګونې د لا ازادېدو او اسانېدو لپاره دې هڅې وکړو.
۲- مونږ دې په ګډه د نوښت او پرمختګ د نوي غوره والي او د نويو تخنيکونو او تخنيکي لاسته راوړنو څخه په استفادې د بېلا بېلو هېوادونو خلکو ته دې ګټې ورسوو.
۳- مونږ دې په ګډه د صنعتي او برابرونکي ځنځيرونو انعطاف پذيري لوړه کړو او صنعتي همکارۍ، تخنيکي تبادلې او د معيارونو پيوستون دې لا پیاوړې کړو.
۴- مونږ دې په ګډه د نړيوال اقتصاد د مديريتي سيسټم د ورخلاصون او د نړيوال مديريت د وړانديز د پلي کولو لپاره هڅې وکړو، پر ګډو مشورو، ابادۍ او شريکو ګټو دې ټينګار ولرو او د سوداګرۍ د نړيوال سازمان په محهور او د اصولو پر بنسټ د څو اړخیز سوداګریز ميکانيزم ټينګه ساتنه وکړو.
د نړيوالې سوداګرۍ او پانګونې د پرمختګ سږنۍ سرمشريزه « د نوښت په لور ګامونه او له راتلونکې سره ځای کېدل» په سرلیک ترسره شوه، چې پکې د بهرنيو هېوادونو حکومتي ادارو، نړيوالو سازمانونو، اقتصادي ارګانونو، بهرنيو سوداګريزو ټولنو، د نړيوالې سوداګرۍ د پرمختيا ارګانونو او تصديو د استازو په شمول څه باندې اته سوو تنو ګډون کړی و.
