په چین کې د روسیې پخواني سفیر اندري ډینیسوف په دې وروستیو کې له سي اېم جي سره په ځانګړې مرکه کې ویلي، چې د روسیې او چین د مشرانو ترمنځ هره لیدنه ستر اهمیت لري او باور یې ښودلی، چې له بېجينګ څخه د ولسمشر پوتین روان سفر به ډېرې ښې پایلې ولري.
ډینیسوف ویلي، روسیه او چین دوه لوی هېوادونه دي. که څه هم دواړه هېوادونه متحدین نه دي، خو بیا هم اړیکې يې ډېرې نږدې دي.
نوموړي باور ښودلی، چې د روسيې او چين اړیکې روښانه راتلونکی لري او ډېر ژر به غوره پایلې وښيي.
ډینیسوف تمه ښودلې، چې چین ته د ولسمشر پوتين روان سفر به د دوه اړخیزو اړیکو ثبات او فعاله روحیه وښيي او په خبره یې، د دواړو هېوادونو خلک ترې لوړې هيلې لري.
ډینیسوف په چین کې د روسیې سفير پاتې شوی او پوره ډاډ یې ښودلی، چې د پوتین د روان سفر اجنډا به په بریالیتوب بشپړه شي.
