د چين د کلتوري صنعت ۲۲م نړیوال نندارتون د مې په ۲۱مې نېټې د دې هېواد د ګوانګ دونګ ولايت په شن جن ښار کې پرانيستل شو، چې تر ۲۵مې نېټې پورې به دوام ولري.
د معلوماتو له مخې، د کلتوري صنعت سږنی نندارتون ۸ نندارځي لري، چې عمومي پيمانه يې ۱۶۰ زرو مربعو مترو ته رسېږي او ۳۳۰۶ شرکتونو پکې په افلاين او ۳۰۰۶ شرکتونو پکې په انلاين ډول ګډون کړی او شاوخوا ۱۲۰ زره کلتوري توليدات پکې نندارې ته وړاندې شوي دي.
سږني نندارتون کې په لومړي ځل د ايپېک د اقتصادونو ځانګړی نندارځی هم جوړ شوی، چې پکې د اسيا او ارام سمندر د سيمې هېوادونو کلتوري او سيلانيزې سرچينې نندارې ته وړاندې شوې دي او د دې ترڅنګ، د نړیوالې برېښنايي سوداګرۍ نوی نندارځی هم پکې جوړ شوی، څو د چين کلتوري تولیدات پر همدې لارې بهرنيو بازارونو ته لاسرسی ومومي.
ټاکل شوې، د سږني نندارتون په عمومي ډګر کې به د سوداګرۍ د هڅونې څه باندې ۲۶۰ فعاليتونه هم ترسره شي او هم به په شن جن ښار کې د دې نندارتون په ۵۱ فرعي ډګرونو کې بېلا بېل فعاليتونه ترسره شي.
