د چين د بهرنیو چارو وزارت وياند ګوه جيا کون د مې په ۲۲مه نېټه يوه مطبوعاتي غونډه کې رسنيو ته ويلي، چې د چين او کاناډا ترمنځ اړيکې مخ په ښه کېدو روانې دي او دواړه خواوې اوس د نوي ډول ستراتيژيکو همکاريزو اړيکو د جوړولو لپاره هڅه کوي.
د هغه په خبره، د چين د بهرنيو چارو وزير وانګ يي به له کاناډا څخه رسمي ليدنه وکړي او دغه ليدنه يې د دواړو هېوادونو د اړيکو د ښه کېدو لپاره ډېره مهمه بللې ده. هغه هيله ښودلې، چې د دې ليدنې له لارې به د چين او کاناډا ترمنځ متقابل سياسي اعتماد لا نور ژور شي، خپلمځي همکارۍ به لا نورې پراخې شي، توپيرونه به حل شي، دوه اړخيزې اړيکې به په سالم، ثابت او تلپاتې ډول پرمختګ ومومي او خلکو ته به لا نورې ګټې ورسولی شي.
