د چین دولت رئیس شي جین پينګ د مې په ۲۵مه نېټه د بېجینګ د خلکو په لوی تالار کې د سربيا له ولسمشر الېکسندر وچيچي سره لیدلي او د دواړو هېوادونو پر اړيکو سره غږېدلي دي.
شي جين پينګ له سربیايي سیال سره په لیدنې کې ويلي، چې هغه په ۲۰۲۴م کال کې سربیا ته په رسمي سفر تللی و او دواړو هېوادونو همغه مهال په نوې زمانه کې د خپلمنځي ګډ برخلیک ټولنې جوړونه پیل کړه او تر دې دمه فعالې لاسته راوړنې لري.
نوموړي ويلي، چين د سربیا کلک ملاتړ کوي چې له خپلو حالاتو سره سم د پرمختګ لاره غوره کړي او هم به د حکومتولۍ تجربې ورسره تبادله او پياوړې کړي.
شي جين پينګ ويلي، د نړۍ وضعیت د پيچلي بدلون په حال کې دی، چین او سربیا دې په نړیوالو چارو کې خپلمنځي همغږي او منځګړیتوب پیاوړی کړي، رښتينی څواړخیزم دې عملي کړي او د انسانانو د ګډ برخلیک ټولنې د جوړونې د هڅولو لپاره دې نه ستومانه کېدونکي کوښښونه وکړي.
ولسمشر الېکسندر وچیچي د چین د ۱۵م پنځه کلن پلان د تطبیق په اړه مبارکي ویلې او باور یې ښودلی چې دغه هېواد به د شي جين پينګ د مشرۍ تر چتر لاندې زیاتې لاسته راوړنې ولري.
نوموړي ويلي، سربیا له چین سره اړیکو ته په ډېره درنه سترګه ګوري او له چین سره به په ګډه د کمربند او لارې په باکیفیته جوړونې کې نورې زیاتې هڅې وکړي.
