د چین او برېتانیې د سیاسي ګوندونو ۱۴م ډیالوګ د جیانګ سو ولایت په یانګ جو ښار کې « سیاسي ګوندونه د چین او برېتانیې ترمنځ اوږدمهالې ثابتې هراړخیزې ستراتيژیکې اړیکې ټینګوي» په عنوان ترسره شو.
په دغه ډیالوګ کې د چین د اړوندو وزارتونو او څانګو، د سیمه يېز حکومت او پوهنتونونو استازو او د برېتانیې د کابینې پخواني غړي او د کارګرو ګوند او محافظه کار ګوند پارلماني غړیو په شمول ۶۰ تنو صادقانه، ژورې او رغنده تبادلې کړې دي.
دوی د چین او برېتانیې اوږدمهال ثابتې هراړخیزې ستراتيژیکې اړیکې د دواړو هېوادونو او نړۍ لپاره مهمې بللې دي.
په دغه ډیالوګ کې د چین کمونېست ګوند د مرکزي کمېټې د بهرنیو اړيکو د څانګې مشر لیو های شینګ هم ګډون او وینا کړې ده.
