د چين او د منځنۍ اوختيځې اروپا د هېوادونو او سيمو د مشرانو اوومه غونډه يا د ۲۰۲۶م کال د چين د شان دونګ ولايت د نړیوالو دوستانه ښارونو د همکاريو او تبادلې اوونيز فعاليت د مې په ۲۶مې نېټې د دې ولايت په جي نان ښار کې پرانيستل شو.
د چين د دولتي شورا غړې چن يي چين د دغه فعاليت په پرانيستونکو مراسمو کې ګډون او وينا کړې ده.
نوموړې ویلي، د چين ـــــ د منځنۍ او ختيځې اروپا د هېوادونو ترمنځ همکاريز ميکانيزم د جوړېدو له ۱۴ کلونو راهيسې ښې لاسته راوړنې لري او دا د رئيس شي جين پينګ او د منځنۍ او ختیځې اروپا د هېوادونو د مشرانو د ګډې لارښوونې په رڼا کې ترلاسه شوې دي. هغې سیمه يېزې همکارۍ د يادو هېوادونو د همکاريو يوه مهمه برخه یاده کړې او د سیمې له هېوادونو يې غوښتي، چې پر ورخلاصون او همکاريو ټينګار ولري، پلانونه دې پیوست او لاسته راوړنې دې شريکې کړي او له یو او بل سره دې زیاتې همکارۍ وکړي.
د فعاليت ګډونوالو چين د اعتماد وړ مهم همکار بللی او هيله يې ښودلې، چې د دې هېواد له محلي سيمو سره د متقابل درناوي او ګډو ګټو پر بنسټ تبادلې او همکارۍ زياتې کړي، څو د منځنۍ او ختیځې اروپا او چین ترمنځ اړيکې ښه وده ومومي.
په دغه فعاليت کې د ۴۴ هېوادونو د مشرانو، پخوانيو سياستوالو، واليانو او ښاروالانو، په چين کې د سفيرانو او د دوستانه ښارونو، دوستانه ټولنو، سوداګريزو ټولنو او تصديو د استازو په شمول شاوخوا ۴۰۰ کسانو ګډون کړی و.
