د سربیا ولسمشر الکساندر وچیچي د مې په ۲۶مه نېټه په بېجینګ کې د چین له مېډيا ګروپ سره ځانګړې مرکه وکړه.
ولسمشر وچیچي په دې مرکه کې د چین او سربیا د دوستانه اړیکو د ټینګټ تاریخ او لاسته راوړنو ته بياکتنه وکړه. هغه د دوه اړخیزو اړیکو د پراختیا او د سربیا سره د مخلصانه چلند له امله د چين دولت رئيس شي جین پینګ څخه مننه څرګنده کړه، او پر دې يې ټينګار وکړ، چې سربیا غواړي د طبي چارو، موټرو، معلوماتي ټیکنالوژۍ، سافټویر، روبوټ، مصنوعي ځیرکتیا او لوړې ټیکنالوژۍ په برخو کې له چين سره د همکارۍ د پراختیا لپاره ګډې همکارۍ وکړي.
نوموړي چین ته دا سفر د هغه د سیاسي ژوند تر ټولو مهمه چاره بولي. هغه له چین څخه مننه وکړه چې ورته يې د “دوستۍ مډال” ورکړ، او و يې ويل، چې هغه به د سربیا-چین د ملګرتیا لپاره نه ستومانه کېدونکو کوښښونو ته دوام ورکړي، او د ژور متقابل سياسي اعتماد پر بنسټ به د سربیا- چین د ګډ برخليک ټولنې د جوړولو چارې پرمخ بيايي.
