د چين او امريکا شلو ځوانو زده کوونکو د دواړو هېوادونو د ځوانانو د دوستۍ په نامه د علمي څېړنې بېړۍ په سپارلو سره د مارچ له پايه د اپرېل تر لومړۍ لسيزې پورې له هانکانګ څخه د جه جيانګ ولايت د نينګ بو ښار له لارې شانګهای ته رسېدلی وو او په ګډه يې د سمندر د پلټنې او فرهنګي تګ راتګ په فعاليتونو کې ګډون کړی و. دغو زده کوونکو د چين دولت رئيس شي جين پينګ ته د پيغام په استولو سره په پنځو کلونو کې پنځوس زرو امريکايي ځوانانو ته په چين کې د زده کړې او تبادلې د بلنې ورکولو له وړانديز څخه مننه څرګنده کړه چې د دواړو هېوادونو د ځوانانو تر منځ تګ راتګ ته ارزښتناک فرصتونه برابروي.
شي جين پينګ دوی ته ځوابي پيغام استولی او په کې يې ليکلي چې ډېر خوشاله شوم چې د دواړو هېوادونو زده کوونکو په ګډه د چين او امريکا د ځوانانو د دوستۍ بېړۍ په سپارلو سره نه هېرېدونکی سفر تر سره کړی او د دواړو هېوادونو د ځوانانو تر منځ د دوستانه تګ راتګ لوړه ستاينه يې وکړه او ورته يې ژورې هيلې څرګندې کړې.
د دواړو هېوادونو ځوانانو وويل، د رئيس شي جين پينګ پيغام ډېر هڅوونکی رول لري او دوی به د راتلونکي تګ راتګ او همکاريو په ترڅ کې يو له بل څخه زده کړه وکړي او په ګډه د ارام سمندر په پار دوستي سفيران وګرځي او د چين او امريکا د اړيکو د ثابتې او دوام لرونکي پرمختګ لپاره د ځوانانو رول ولوبوي.
