د چين د ملي ولسي کانګرس د دايمي کمېټې مشر جاو له جي د روسيې د فدرالي کمېټې مشرې
ماتويېنکو او د ملي دوما مشر ولودين په بلنې د مې له ۲۷مې نه تر ۳۰مې نېټې پورې له دغه هېواد څخه رسمي او دوستانه ليدنه کړې، چې په ترڅ کې يې په جلا جلا توګه ور سره ليدلي او د روانې مياشتې په ۲۸مه نېټه يې د چين او روسيې د پارلماني همکارۍ کمېټې په ۱۱مه غونډه کې ګډون وکړ.
ښاغلي جاو له جي له روسي چارواکو سره د کتنې په ترڅ کې تمه ښودلې، چې چين له روسيې سره د دواړو مشرانو تر لاسه شوې ګډې نظريې پوره پلې کړي او د دواړو هېوادونو د ستراتيژيکې همکارۍ مشارکت د ټينګېدو د ۳۰مې کليزې او د خپلمنځي ښه ګاونډيتوب او دوستانه همکارۍ تړون د ۲۵مې کليزې په درشل کې يو له بل سره دوديزې دوستۍ ته دوام ورکړي، ستراتيژيک متقابل باور پياوړی کړي، د متقابلو ګټو پر بنسټ همکارۍ او ګټې زياتې کړي او دوه اړخيزو اړيکو ته لا زيات پرمختګونه ورکړي.
