د ملګرو ملتونو امنیت شورا د جون په لومړۍ نېټې د لبنان او اسرائیل د وضعیت په اړه بیړنۍ غونډه کړې ده.
په ملګرو ملتونو کې د چین دایمي استازي فو څونګ په يادې غونډې کې ګډون او وينا کړې او د لبنان او اسرائیلو وضعیت يې مخ په سختېدو بللی دی.
اسرائیل په لبنان کې پوځي عملیات پراخ کړي او په دوامداره توګه یې تش په نامه “امنيتي زونونه” پراخه کړي دي.
دا له تېرو ۲۰ کلونو راهیسې په لبنان کې د اسرائیلي ځواکونو تر ټولو پراخ پوځي عملیات بلل کېږي.
اسرائیلي ځواکونو ويلي، په لبنان کې به ځمکني عملیات نور هم پراخ کړي، خو اصلي ارادې او پایلې یې د نړیوالې ټولنې اندېښنې راپورته کړې دي.
فو څونګ د اسرائیل او لبنان ترمنځ د جګړې د پای ته رسولو او د تاوتریخوالي د کمولو لپاره د سمدستي اوربند، د لبنان وضعیت د ثبات لپاره د ملاتړ د زیاتوالي او د سیمه ییز ثبات غوښتنې کړې دي.
