د امریکا د مالیې وزیر سکوټ بیسنټ د اګست د ۲۴مې نېټې په ماسپښین په یوه مطبوعاتي غونډه کې د ایران د اقتصادي انزوا په موخه د بندیزونو د نوي پړاو پیل اعلان کړی او ويلي يې دي، چې دغه بندیزونه به پر ايران فشارونه نور هم زیات کړي.
د امریکا د ماليې وزارت د بهرنیو شتمنیو د کنټرول دفتر د روانې میاشتې په ۲۴مې نېټې ويلي وو، چې امریکا به د ایران پر وړاندې خپل اقتصادي بندیزونه د هوايي او تخنیکي چارو، ډیجیټلي شتمنۍ، سرو زرو او سمندري بار وړلو په شمول ۵ برخو ته وغځوي. سربېره پر دې، د ايران نږدې ۶۰ ادارې، اشخاص او بېړۍ هم د بندیزونو په لېست کې یې شامل شوي او هم يې پکې د اټومي او توغندیو ټیکنالوژي، د تېلو سوداګري او انټرنېټي عملیات شامل کړي دي.
د ایران ولسمشرۍ ماڼۍ د روانې مياشتې په ۲۴مې نېټې خبر ورکړی، چې امریکا باید له ایران سره په چلند کې خپلې خبرې او کړنې بدلې کړي او پر ځواک او ځورونې تکیه به يې یوازې د خبرو پروسه نوره هم پیچلې کړي.
د ایران د ستر مذهبي مشر سلاکار محمد مخبر په همدې ورځ رسنيو ته ويلي، چې د امریکا ګواښونو پر وړاندې د ایران ځواب به د پخوا په پرتله لا ډېر سخت وي.
