فاریاب؛ د میمنې ښاروالۍ په دویمه ربع کې ۴۶.۵ میلیونه افغانۍ عواید راټول کړي

د میمنې د ښاروالۍ مسوولین وايي، چې دغې ادارې د ۱۴۰۵ مالي کال په دویمه ربع کې ۴۶ میلیونه، ۵۷۰ زره افغانۍ عواید راټول کړي دي. د میمنې ښاروال ملا محمدامین فرقاني ویلي، دغه عواید د ښاروالۍ د جایدادونو له کرایې، د صنفي جوازونو له وېش، د دولتي او استوګنیزو ودانیو د صفایۍ له محصول او نورو ښاري خدمتونو څخه ترلاسه شوي دي. د نوموړي په وینا، له راټولو شویو عوایدو څخه څه باندې ۱۳ میلیونه او ۸۸۲ زره افغانۍ د پراختیايي پروژو، د کارکوونکو د معاشونو او ښاري خدمتونو په برخو کې لګول شوې دي