په ملګرو ملتونو کې د چین دایمي استازي فو څونګ د اکتوبر په لومړۍ نېټه د ۲۸ ورته دریځ لرونکو هېوادونو په استازیتوب د عمومي اسامبلې درېیمې کمېټې ته وینا وکړه او په خپلو خبرو کې یې له نړیوالې ټولنې څخه وغوښتل چې د یواړخیزو جابرانه کړنو کلک مخنیوی وکړي.
نوموړي وویل، تاریخ دا تصدیق کړې چې یواړخیزې جابرانه کړنې د نړۍ مقرراتو عمده خرابوونکې دي. نړیواله ټولنه باید سمې پېژندنې وساتي او د دغو ناقانوني کړنو د مخنیوي لپاره دې خپلمنځي همکارۍ پیاوړې کړي.
ښاغلي فو څونګ وویل، ۲۸ هېوادونو له یواړخیزو زورورو کړنو سره بیا کلک مخالفت ښودلی او له ځینو لوېديځو هېوادونو څخه یې وغوښتل چې د نړیوالې ټولنې عادلانه اواز واوري او سمدلاسه په بې شرط ډول یواړخیز جبري اقدامات پای ته ورسوي.
