عمران خان: ګراني ډېره شوې، پاکستانیان باید نور مشکلات هم ومني

د پاکستان لومړي وزیر عمران خان منلې چې په هېواد کې یې ګراني ده خو زیاتوي چې پاکستانیان باید نور هم مشکلات وزغمي. هغه پرون په پېنډۍ کې یوې غونډې ته په وینا کې ویلي، ګاز او برېښنا ځکه ګران شوي چې اقتصادي وضعیت مخ په خرابېدو دی خو په وینا یې حکومت یې هڅه کوي چې ژر دې ستونزو ته حل لاره ومومي. عمران خان ویلي پاکستان ۱۳ سوه میلیارده قرضداره شوی دی او کله چې قرضونه پورته ځي مجبوراً یا به قرضونه نور هم ډېرېږي او یا به نرخونه ګرانېږي چې د نرخونو پورته کول نسبتاً غوره لاره ده او پاکستانیان یې باید وزغمي. هغه د دې قرضونو پړه پر تېرو حکومتونو اچولې ده او ویلي یې دي چې د هغوی د بې ځایه مصارفو له امله اوس باید قوم تر هغه وخته یو څه سختي پر ځان وزغمي څو پورې چې وضعیت عادي کېږي.