له شمالي کوریا د ملګرو ملتونو غوښتنه؛ له اټومي وسلو او اړوند پروګرامونو لاس واخلئ

د نړۍ اویا هېوادونو له شمالي کوریا وغوښتل چې له اټومي وسلو، بالستیک توغندیو او ددې اړوندو پروګرامونو چې د نړۍ سولې ته بېځایه ستر ګواښ دی لاس واخلي. امریکا، جنوبي کوریا، اسیا، لاتیني امریکا، افریقا او د اروپا یو شمېر هېوادونو پرون دا پرېکړه لیک چې طرحه یې فرانسې وړاندې کړې وه لاسلیک کړ. روسیې او چین چې د شمالي کوریا ملګري دي، ددې سند له لاسلیکه ډډه وکړه. شمالي کوریا تېره اوونۍ دوه ځلې د لنډ واټن توغندیو ازموینې وکړې.