خامنه يي: ایران له امریکا سره جګړه نه کوي

د ایران مذهبي مشر آیت الله خامنه يي وایي له امریکا سره د ایران ستونزه له پوځي اړخه نه ده، نو ځکه به جګړه نه کېږي.هغه زیاته کړې چې ایران د جګړې پلوی نه دی، جګړه نه کوي خو له خپلې خاورې دفاع کوي. خامنه یي له امریکا سره خبرې کول هم رد کړي دي، دده په وینا له امریکا سره خبرې په دې مانا چې ایران باید ډېر څه له لاسه ورکړي. نوموړي له عراق او عمان غوښتنه کړې چې د امریکا او ایران ترمنځ روانو مسایلو کې منځګړیتوب وکړي. په دې وروستیو کې د ایران او امریکا ترمنځ اړیکې ترینګلې شوې دي. ایران خپل پوځ ته د تیار سی امر کړی دی او وايي له خپل هېواد دې دفاع ته تیار اوسي.