کلیفورنیا کې زورورې زلزلې زیانونه اړولي

د امریکا کلیفورنیا ایالت د اووه اعشاریه یو ریښتر کچې په اندازه زورورې زلزلې لړزولی دی. د زلزلې له امله په ځینې ودانیو کې اورلګېدنه رامنځته شوې، سړکونه یې مات کړي او ګڼې ژوبلې یې اړولې دي. د چارواکو په خبره، دې زلزلې ډېر زیانونه په کریسټ رېج ښار کې اړولي دي. چارواکي وایي چې د زلزلې له امله ودانیو کې اورلګېدنې ګڼ شمېر کسان ټپیان کړي دي. له زلزلې ورورسته سمدستي مرستندویه ډلې سیمې ته رسېدلې دي او وایي چې ډېر زیان په شمال لودیځه برخه کې اوښتی دی. راپورونه وایي ښایي یو شمېر خلک وژل شوي هم وي خو تر اوسه یې په اړه وروستي جزیات نه دي خپاره شوي.