نیویارک کې پر یهودي وګړو برید شوی او پنځه کسه په چړو وهل شوي. د نیویارک ځايي چارواکي وایي چې پېښه د یوه یهودي عالم په کور کې شوې ده او پنځه کسان په سخت وضعیت کې روغتون ته لېږدول شوي دي. تر اوسه معلومه نه ده چې برید کوونکي څوک وو او د پېښې لامل څه دی، خو په نیویارک کې دغه ډول پېښې نوې دي. ځايي پولیسو رسنیو ته ویلي چې د ځینو ټپیانو وضعیت د اندېښنې وړ دی خو پنځه واړه دمګړی په روغتون کې دي. پر هر کس د چاړې شپږ یا اووه ګزاره شوي دي. پولیسو په دې اړه پلټنې پيل کړې دي.






































