لانګ وار ژورنال: پاکستان لا هم له افغانستان سره خپلې دوه مخې لوبې ته ادامه ورکوي

لانګ وار ژورنال ورځپاڼه وایي سره له دې چې پاکستان د سولې په برخه کې د امریکا د فشار له امله ځینې ظاهري هڅې پيل کړې دي، خو دغه هڅې به بې ګټې وي. نشریه وړاندې کاږي چې پاکستان د خپلو موخو او فشارونو کمولو لپاره د طالبانو یو پخوانی چارواکی له اوږده بند وروسته خوشی کړی دی. په مطلب کې راځي پاکستان په دې توګه غواړي دا وښيي چې دوی د سولې له پروسې سره مرسته کوي، خو په حقیقت کې دوی خپله دوه مخې لوبه را هم پر مخ بیایي. لانګ ور ژورنال د ملا برادر خوشي کولو ته هیله مندي نه ښيي او په وینا د هغه خوشي کول به د طالبانو پر جګړو او یا هم د سولې پر مذاکراتو هېڅ راز اغېز و نه کړي، ځکه هغه کلونه کلونه د طالبانو له لیکو لرې وو او په دغه لیکو کې پراخ بدلونونه راغلي دي. لانګ ور ژورنال ټینګار کوي چې پاکستان دې د سولې په برخه کې رښتینو او عملي هڅو ته تیار کړل شي او پر دغه هېواد دې فشارونه نور هم ډېر شي.