د ټلوالې مشران راتلونکې اونۍ د خپل مشخص کاندید په اړه پریکړه کوي

د اوسني او پخواني حکومت ځینې مهم چارواکي او د پخوانۍ شمال ټلوالې مخکښې څیرې یو وار بیا په خپلو منځو کې د راتلونکو ولسمشریزو ټاکنو لپاره د مشخص کاندید په وړاندې کولو بحثونه او سلا مشورې پیل کړې دي .
سپوږمۍ راډيو ته د رسيدلو معلوماتو له مخې د دوی وروستۍ او تازه ناسته تیره شپه کابل کې تر سره شوې او پریکړه شوې چې د روانې اونۍ پای کې به بیا سره ټولیږي او د راتلونکې اونۍ تر وروستیو به خپل مشخص کاندید اعلانوي . د تیرې شپې په ناسته کې عطامحمد نور ، یونس قانوني ، صلاح الدین رباني او احمدضیا مسعود علاقمندي ښودلې چې د دوی له ډلې یو کس وټاکل شي ، چې راتلونکې اونۍ به د دوی څلورو کسانو له ډلې یو کس د کاندید کیدو لپاره مشخص کړل شي ،په دغه ناسته کې دغه راز پریکړه شوې چې لومړی مرستیال یې باید کندهاری پښتون وي چې تر ډيره دوی هیله مندي ښودلې تر څو حکمت خلیل کرزی د لومړي مرستیال منلو ته راضی او وهڅوي .د معلوماتو له مخې د دغه راتلونکي انتخاباتي ټیم په دویمه ناسته کې به د جنرال دوستم او محمد محقق په رول او موقفونو باندې هم خبرې کیږي چې دوی دواړه باید په راتلونکو کومو موقفونو کې وي.