ولسمشر غني یو ځل بیا په هېواد کې د جګړې پای ته رسېدو او د سولې ټینګښت ته هیله مندي ښودلې ده. نوموړي نن له افغانستان څخه د پخواني شوروي اتحاد ځواکونو د وتلو ۳۲مې کالیزې په مناسبت خپاره کړي پیغام کې ویلي چې افغانستان به سولې ته رسېږي. هغه تېرو کورنیو جګړو ته په اشارې ویلي چې د شوروي لښکرو پر وړاندې د افغانانو د جهاد هدف د یو اسلامي نظام رامنځته کول و خو د ده په وینا؛ له افغانستان څخه د شوروي ځواکونو غیر مسوولانه وتل د کورنیو جګړو لامل شو. نوموړي ټینګار کړی دی چې له تېرو ترخو تجربو په زده کړې ټول افغانان باید په خپل یووالي سره په افغانستان کې تلپاتې سوله یقیني کړي.
ولسمشر غني: د کورنیو جګړو لامل د روسانو غیر مسوولانه وتل و
Get real time update about this post categories directly on your device, subscribe now.
- Trending
- Comments
- Latest
