د هرات ولایت ځايي چارواکي وايي چې وسله والو طالبانو تېره شپه د غوریان ولسوالۍ پر ودانۍ برید کړی دی. سرچینه وایي چې موټربم برید د ولسي پاڅونوالو او ځايي پولیسو پر ګډو پوستو شوی دی. په دې پېښه کې دوه پاڅونوال وژل شوي او ځينې نور ټپيان دي. د هرات والي وحید قتالي هم دغه پېښه تایید کړې او وایي چې تر موټربم برید وروسته طالبانو د ولسوالۍ پر ودانۍ وسله وال برید کړی دی چې له افغان ځواکونو سره یې نښتې څو ساعته دوام کړی دی. دده په خبره د مرستندویه ځواکونو په رسېدو سره طالبانو شاتګ کړی دی خو مرګ ژوبله ورته اوښتې ده. په وروستیو کې طالبانو د هرات په ځینو ولسوالیو کې تحرکات پیل کړې دي او له افغان ځواکونو سره نښتې کوي چې وخت ناوخته یې له امله دواړو لورو ته مرګ ژوبله اوړي.
وسله والو طالبانو د هرات پر غوریان ولسوالۍ موټربم برید کړی
Get real time update about this post categories directly on your device, subscribe now.
- Trending
- Comments
- Latest
