تر بلک واټر؛ پرته نورې امنیتي کمپنۍ هم د افغان جګړې خصوصي کول غواړي

د بلک واټر تر څنګ ډاین کارپ امنیتي کمپنۍ هم د افغان جګړې د خصوصي کولو هڅه کوي. انټرنېشنل پاليسي ډايجسټ مجله په افغانستان کې د جگړې د خصوصي کېدو په تړاو یوه لیکنه خپره کړې چې پکې راغلي، د بلک واټر شرکټ د بنسټګر ارېک پرېنس تر څنګ د داين کارپ انټرنېشنل امنيتي شرکټ مشر سټيفن فينبرگ هم افغانستان کې د جگړې د خصوصي کېدو د وړانديز تر شاه دى. مجله وايي سره له دې چې په نورو برخو کې د امریکا چارې مخ په خصوصي کېدو دي خو د جګړې په برخه کې امریکا لا دې کار ته چمتووالی نه دی ښودلی. اریک پرینس بیا وايي چې د جګړې په خصوصي کولو کې د امریکا ګټه ده او دی به هڅه وکړي چې خپل پلانونه تعقیب کړي. مجله زیاتوي، چې امريکا د جگړې په برخه کې خپلو تجربو ته په پام ښایي دغه راز يوه بنسټيز بدلون ته هېڅکله چمتو نشي.