بلېنکن: د افغانستان اقتصاد ته د نغدو پیسو د لیږد پر لارو چارو غور کوو

د امریکا د بهرنیو چارو وزیر ویلي، داسې لارې چارې لټوي چې له مخې یې وکولای شي د افغانستان اقتصاد ته نغدې پیسې ولیږي. بلېنکن نوي میلادي کال ته د خپل هېواد د بهرني سیاست په تړاو وویل، پر داسې لارو چارو کار کوي چې له مخې یې وکولای شي د افغانستان اقتصاد ته نغدې پیسې ولیږي. نوموړي په یوه خبري کنفراس کې ویلي، چې امریکا د افغانستان د شاوخوا ۲۸۰ میلیونه ډالرو په ازادېدو کې نقش درلود. بلینکن ویلي، امریکا به دا کار له خپلو همکارو شریکانو سره په ګډه داسې وکړي، چې ګټه یې مخامخ خلکو ته ورسېږي او د طا لبانو په ګټه نه وي. نوموړي د دې محدویتونو موخه له طا لبانو د نړیوالې ټولنې د غوښتنو تضمین یاد کړ. بلینکن طا لبانو ته په اشارې وویل، که غواړئ په رسمیت وپېژندل شئ، باید خپل سیاستونه اصلاح کړئ. هغه زیاته کړه، طا لبان دې له بشري حقونو او فردي ازادیو ملاتړ او له ترهګرۍ سره دې مبارزه وکړي، ترڅو په رسیمت وپېژندل شي.