ټرمپ: ټېلرسن یو ټنبل او بې شعوره شخص دی

د امريکا ولسمشر ډونالډ ټرمپ وايي، د دغه هېواد د بهرنيو چارو پخوانی وزير رېکس ټېلرسن ټنبل او له ذهني اړخه كمزورى و. ټرمپ پر خپل ټوېټر ليکلي، اوسنی د بهرنيو چارو وزير مايك پامپيو بيا ډېر عالي کار کوي او دى په نوموړي وياړي، خو ټېلرسن ټنبل، کور ذهنه او چوپ سړى و او نه يې شوای کولی له هغه ژر ځان خلاص کړي. ټرمپ وروسته له هغې دا ډول توند غبرګون وښود چې د ده د بهرنيو چارو پخواني وزير رېکس ټېلرسن له يوې ټلويزيوني شبکې سره په مرکه کې نوموړی يو ډېر بې نظمه سړی وباله او ټينګار يې درلود چې له مطالعې سره مينه نه لري، د مسايلو په اړه راپورونه هم تر پايه نه لولي او نه غواړي د يو څه په تړاو ژور وپوهېږي.