د امريکا د دفاع وزير پيټر بريان هېګسېتس د مې په ۳۰مه نېټه د شانګريلا ډيالوګ کې د ګډون په څنډه کې ويلي، د امريکا او چين مشرانو په بېجينګ کې د کتنې په ترڅ کې د خپلمنځي اړيکو د رغنده ستراتيژيک ثبات په اړه مهمه اجماع رامنځته کړې، چې دا اسيا او ارام سمندر سيمې حتی ټولې نړۍ ته خورا ستر اهميت لري.
هغه په همدې ورځ د چين د خلکو ازادي بښونکي پوځ د کارپوهانو پلاوي غړي اړوندې پوښتنې ته په ځواب کې د امريکا او چين د اړيکو نوی ليد رښتينی، واقعي محتويات لرونکی او اهميت لرونکی بللی دی.
د شانګريلا ۲۳مې دورې ډيالوګ د مې په ۲۹مه نېټه په سينګاپور کې پرانيستل شو، چې له ۴۰ د زياتو هېوادونو او سيمو د سياستوالو، د دفاعي چارو چارواکو او کارپوهانو په شمول کابو ۵۵۰ تنه په کې ګډون لري.
