ځينو لوېديځو رسنيو او د امريکا استخباراتي ادارې د جاسوسۍ د ګواښ په پلمه پر چين بيا بیا تورونه لګولي او ادعاوې يې کړي، چې چینايي هيکران د دوی پر مخابراتي شبکو سایبري بريدونه کوي.
د امريکا د والسټريټ او نيويارک ټايمز په شمول څو خبري رسنيو د يادې موضوع په اړه راپورونه ورکړي او د چين د ګواښ په تړاو يې پروپاګڼد خپاره کړي دي. که څه هم دوی تل خپل راپورونه عادلانه بللي، خو په دغو راپورونو کې يې هيڅ شواهد نه دي وړاندې کړي او پر حقیقتونو يې سترګې پټې کړې دي.
ولې امريکا او نور لوېديځ هېوادونه پر چين د جاسوسۍ د ګواښ په پلمه تورونه لګوي؟
د لوېديځو هېوادونو د دغو کړنو تر شا د امريکا پېچلې ستراتيژي او دسېسه ښکاري او پر پوهېدو يې باید ژورې رېښې رابرسېره شي. د چين د ډيپلوماسۍ پوهنځي پروفيسور لي های دونګ سي اېم جي سره په مرکې ويلي، چې د والسټريټ ورځپاڼې په شمول څو خبري رسنيو د يادې موضوع په تړاو راپورونه ورکړي او دا د دې ښکارندويي کوي، چې دغه رسنۍ له چين سره د امريکا په روانې سيالۍ کې خطرناکې وسيلې دي او موخه يې د امريکا په سياست او ټولنې کې د چين پر وړاندې د بې باورۍ فضا لاپياوړې کول او له چين سره د مقاومت لپاره د عامه افکارو جوړول او رسیدل دي. لوېديځ غواړي د همدغو رسنيو له لارې د چین پر وړاندې لا سختې تګلارې غوره او پر وړاندې يې رسنيز جنګ ته ښه زمينه برابره کړي.
دا د امريکا لومړی ځل نه دی، چې د جاسوسۍ د ګواښ په پلمه یې پر چین تورونه لګولي دي.
امريکا په ۲۰۱۸ م کال کې د چین د پرمختګ د مخنيوي تګلارې غوره کړې او عدليې وزارت یې د چين پر وړاندې عملي پلان خپور کړی و، چې له مخې يې په دغه هېواد کې چيني الاصله کارپوهان او عالمان نيول او د جاسوسۍ خيالي قضيې يې ورته جوړولې او دغو کړنو يې د دواړو هېوادونو نظرتبادلو او همکاريو ته سخت زيانونه رسولي دي.
د امريکا عدليې وزات تراوسه داسې کره شواهد پيدا نه کړل، چې وښيي چين د امريکا پر وړاندې د جاسوسۍ چارې ترسره کړې، نو په امريکايي ټولنې کې ورته د شک په سترګه وکتل شول او علمي ټولنو ورسره مخالفت وښود او وروسته دغه وزارت اړ شو، چې په ۲۰۲۲م کال کې خپل پلان بند کړي.
د امريکا سنامجلس د روان کال په سپتمبر کې د ټېکساس ایالت د جمهوريپال ګوند د غړي لانس ګودن له خوا وړاندې شوې قانوني مسوده تصويب کړه او په ورته وخت کې یې د هېواد د پوهنې د ملکيت حق او علومو ارګانونو کې د جاسوسۍ د عملياتو د مخنيوي اعلان وکړ او اوس پر همدې لارې غواړي، د چين پر وړاندې عملي پلان بیا پيل کړي.
ځيني امريکايي سياستوال له چين سره مبارزه د قمار يا جوارۍ داو بولي او غواړي د هېواد په دننه کې له چين سره د دښمنۍ فضا برابره کړي او ځيني بې ګناه کسان وځوروي او قرباني يې کړي.
خو په حقیقت کې د سياسي طنزونو تر شا څوک هاکيري او جاسوسي کوي؟
نړيوال پر دې ښه پوهېږي، چې د امريکا استخباراتي ادارې په ګردې نړۍ کې استخباراتي شبکه جوړه کړې او له اوږدې مودې راهيسې د نورو هېوادونو کارمندان له خپلو هېوادونو سره خيانت ته هڅوي او پټ معلومات راټولوي او د دې ترڅنګ نړۍ پر دې هم ښه پوهېږي، چې واشنګټن د نورو هېوادونو په کورنيو چارو کې لاسوهنې کوي او رژيمونه او حکومتونه یې راپرځوي.
د سي ايي اې يا استخباراتي ادارې پخواني کارکوونکي سنوډن په ۲۰۱۳م کال کې د امريکا پټې کړنې افشا کړې او په ډاګه يې رسنيو ته وویل، چې واشنګټن د نړيوالې شبکې د څار هڅې پېل کړې دي او په دې برخه کې یې لوی هدف چين دی.
امريکايي هاکيرانو په دې وروستيو کالونو کې څو څو ځلې د چین د شمال لوېديځ د صنايعو پوهنتون او د وو هان د زلزلې د څار مرکز په شمول پر څو ارګانونو انټرنېټي بريدونه کړي دي او وروسته مالومه شوې، چې تر شا یې د سي ايي اې لاس دی.
د امريکا استخباراتي ادارې په ۲۰۲۱ م کال کې د چين پر وړاندې د جاسوسۍ د نفوذ لپاره د دندو مرکز جوړ کړی او مشر يې بيا بیا ويلي، چې د چین پر وړاندې به د جاسوسۍ چارې لاپياوړې کړي او د پرمختګ مخه به يې ونيسي. دغه شواهد د دې ښکارندويي کوي، چې امريکا د جاسوسۍ د ګواښ په پلمه پر چين د تور لګولو موخه يوازې د خپلو پټو کړنو پټول دي، خو برعکس امريکا به پر دغسې کړنو په نړۍ کې خپل اعتبار زيانمن کړي.
چين به د بهرنيو هېوادونو د غلا او جاسوسۍ پر وړاندې ټينګه مبارزه وکړي او د ملي حاکميت، خوندیتوب او پرمختیایي ګټو د ساتلو لپاره به خپلو هڅو ته دوام ورکړي.
