د چين د کمونېست ګوند د مرکزي کمېټې عمومي منشي شي جين پينګ دا روښانه کړې، چې بېجينګ به د ساينسي او ټېکنالوژيکو نوښتونو د نړيوال مرکز او د غښتلو مستعدو وګړو د راغونډولو ځای په توګه خپل پرمختګ چټک کړي او په چين کې به د خپلواکو نوښتونو عمده سرچينه به وګرځي.
د چين د کمونېست ګوند له اتلسم ملي کانګرېس راهيسې، د بېجينګ ښار حکومت د شي جين پينګ د مهمو لارښوونو په رڼا کې د يادو غوښتنو د عملي کولو لپاره ډېرې هلې ځلې کړي او له تيان جين ښار او هه بې ولايت سره يې همغږي پياوړې کړې او د بېجينګ، تيان جين او هه بۍ د ساينسي او ټېکنالوژيکو نوښتونو سويه يې ډېره لوړه کړې ده.
اوس په بېجينګ کې د نوي نسل معلوماتي ټېکنالوژۍ، ساينس او ټکنالوژيکو خدمتونو او روغتيا ۳هغه صنعتي ډلې او د ځيرکو توليدي چارو او سامانونو او مصنوعي ځيرکتيا ۷ هغه صنعتي ډلې جوړې شوي، چې صنعتي پيمانه يې له زر ميليارډو يوانو زياته ده. د روان کال په تېرو ۱۱ مياشتو کې د بېجينګ د هغو ستراتيژيکو نويو سمسورو صنعتي چارو پيمانه د تېر کال په پرتله ۱۶ اعشاريه ۵ سلنه زياتوالی ښيي، چې د عمده کاروبارو عايدات يې له ۲۰ ميليونو يوانو زيات دي. بېجينګ د بېجينګ، تيان جين او هه بۍ د همغږې سيمې په نوي پرمختګ کې مخکښ رول لوبولی دی.
په بېجينګ، تيان جين او هه بۍ کې د دولت په کچه د عصري توليدي چارو د صنعتي ډلو شمېر ۷ ته رسېدلی، چې پکې ۵ ډلې يې د نوموړو ۳ ځايونو له خوا په ګډه جوړې شوي. دغه راز د همغږۍ داسې شکل د جوړېدو په حال کې دی، چې څېړنيزې چارې په بېجينګ کې او په کار د څېړنيزو پايلو د اچولو چارې په تيان جين او هه بۍ کې تر سره کيږي.
