د سوريې په ختيځ د ديرالزور ولايت کې د سپتمبر په ۱۸مه نېټه د دغه هېواد د انتقالي حکومت د ځواکونو په يوه نظامي پوسته کې چاودنه وشوه، چې له امله يې د دفاع وزارت ۱۱ کارکوونکي وژل شوي دي.
د سوريې د دولتي خبري اژانس د روانې مياشتې په ۱۹مه نېټه خبر ورکړ، چې د دغه هېواد د انتقالي حکومت د دفاع وزارت په همدې ورځ په ديرالزور ښار کې د وژل شويو کسانو د جنازې مراسم تر سره کړل.
د مالوماتو له مخې، د روانې مياشتې په ۹مه نېټه د سوريې په شمال لوېديځ کې ورته چاودنه شوې وه، چې هلته د وسلو او جګړې د پاتې شونو د ساتلو يوه لنډمهاله زېرمه منفجر شوې وه چې له امله يې د دغه هېواد د انتقالي حکومت د دفاع وزارت ۱۴ کارکوونکي وژل شوي او ۱۰ تنه نور ټپيان شوي وو.
د سوريې د بشري حقوقو د څارنې سازمان د خبر له مخې، يادې دواړه چاودنې د داعش لخوا تر سره شوې، خو د سوريې انتقالي حکومت تر اوسه د خپلو څېړنو پايلې نه دي خپرې کړې.
