د سوماليې ولسمشر حسن شيخ محمود د ډسمبر په ۱۹مه نېټه له سي ايم جي سره ځانګړې مرکه وکړه.
هغه په مرکه کې ویلي، چې د سوماليې او چين ترمنځ دوستي ډېره ژوره ده. د هغه په خبره، دواړو هېوادونو په تېرو لسګونو کلونو کې د متقابل درناوي او اعتماد پر بنسټ دوستانه اړيکې ساتلې. د سوماليې له خپلواکۍ وروسته چين تل له دغه هېواد څخه ملاتړ کړی. هغه زياته کړې، چې د دې هېواد په يو لړ کورنيو شخړو کې د چين او سوماليې مهمې همکاريزې پروژې لا هم خوندي پاتې شوې دي او تر اوسه پورې د خلکو لپاره خدمت برابروي، لکه روغتون، سپورټي ميدانونه او چټک سړک لا هم د سوماليایي وګړو لپاره خدمتونه کوي.
د هغه په وينا، د چين او سوماليې ترمنځ اړيکې تاريخي بنسټ لري او تر اوسه ډېرې پياوړې شوې. اوس دواړه هېوادونه د خپلمنځي همکاريو د لا پراخېدو او ټينګېدو لپاره ګډه هڅه کوي.
