د چين د دولت رئيس شي جين پينګ ځانګړي استازي او د ملي ولسي کانګرېس د دايمي کمېټې مرستيال لوه سانګ جيانګ څون د مې په ۱۲مې نېټې د يوګانډا د ولسمشر يوويري کاګوټا موسيويني په بلنې د دغه هېواد په پلازمېنې کامپالا کې د نوموړي د لوړې په مراسمو کې ګډون کړی دی.
موسيويني د روانې مياشتې په ۱۴مې نېټې د يوګاناډا په ولسمشرۍ ماڼۍ کې له لوه سانګ جيانګ څون سره ليدلي دي.
لوه سانګ جيانګ څون موسيويني ته د دولت رئيس شي جين پينګ مبارکي او نيکې هيلې وړاندې کړي او ويلي يې دي، چې د چين او يوګانډا هراړخيزې ستراتيژيکې ملګرتيا له تېرو څو کلونو راهيسې د دواړو مشرانو د ستراتيژيکې لارښوونې په رڼا کې د لوړې کچې پرمختګ موندلی دی. هغه ويلي، چين به له يوګانډا سره د هرې برخې همکارۍ ژورې کړي.
موسيويني د لوه سانګ جيانګ څو له لارې دولت رئيس شي جين پينګ ته نيکې هيلې او درناوی وړاندې کړی او مننه یې ورڅخه کړې ده.
نوموړي د چين پرمختيايي لاره او د دواړو هېوادونو ترمنځ اړيکې ستايلي او هيله يې ښودلې، چې له چيني لوري سره د متقابلو خواوو د مرکزي ګټو په چارو کې يو د بل ټينګ ملاتړ وکړي، اندېښنې کمې او خپلمنځي همکارۍ پياوړې کړي او د دواړو هېوادونو خلکو ته ګټې ورسوي.
