شمالي کوریا: منځنی ختیځ د امریکایانو په هدیره بدلېدونکی دی

یونهاپ اژانس د شمالي کوریا د یو لوړپوړي چارواکي له خولې راپور ورکړی دی چې په دې وروستیو کې منځني ختیځ کې د امریکا له اقداماتو داسې ښکاري چې دا سیمه د امریکایانو په هدېره بدلېدونکې ده. یاد چارواکي چې راپور کې یې نوم نه دی یاد شوی د شمالي کوریا او روسیې د بهرنیو چارو د وزیرانو ترمنځ تلفوني خبرو ته په اشارې ویلي، لکه څنګه چې هغوی په خپلو خبرو کې ویلي، کوریا او روسیه نه یوازې په سیمه او نړۍ کې د نظامي ځواک د کارولو سخت مخالف دي بلکې په منځني ختیځ کې پارونکي اقدامات هم ورته د زغملو وړ نه دي. نوموړي زیاته کړې دوی په سیمه کې د امریکا وروستیو اقداماتو اندېښمن کړي دي. په ورته وخت کې ځینې نورو شنونکو هم ویلي چې امریکا په منځني ختیځ کې ځان په یوې بلې جګړې کې هم ښکېلوي او دا چاره به د امریکا پر وړاندې د شمالي کوریا حوصله نوره هم تنګه کړي.