طالبان وایي، دا چې د دوی او امریکا ترمنځ په دوحه کې د شوې هوکړې پر بنسټ د بهرنیو ځواکونو د وتلو نېټه د مې میاشتې لومړۍ ټاکل شوې وه خو د دغې ډلې د ویاند ذبیح الله مجاهد په خبره، امریکا له شوې هوکړې په سرغړونې سره طالبانو ته د هر ډول مناسب اقدام لاره خلاصه کړې ده. د نوموړي په خبره، طالب جنګیالي د خپلو مشرانو تصمیم ته په تمه دي چې هغوی څه ډول پرېکړه کوي. نوموړي زیاته کړې چې هر ډول پرېکړه طالب مشرانو وکړه طالب جنګیالي به د هغه په رڼا کې عمل کوي. د ویلو ده چې په دې وروستیو کې په هېواد کې یو ځل بیا تاوتریخوالی خپل اوج ته رسېدلی دی خو په ډېریو بریدونو کې طالبانو لاس لرل رد کړي دي.
مجاهد: امریکا سرغړونه کړې؛ طالب جنګیالي د خپلو مشرانو تصمیم ته په تمه دي
Get real time update about this post categories directly on your device, subscribe now.
- Trending
- Comments
- Latest
