د چين د کمونېست ګوند د مرکزي کمېټې د سياسي بيورو غړي او خارجه وزير وانګ يي د نومبر په ۱۱مه نېټه د امريکا له خارجه وزير مارکو روبیو سره تليفوني خبرې کړې دي.
دواړو خواوو د چين او امريکا د اړيکو او د مشرانو د تګ راتګ په اړه د نظريو مثبتې او رغنده تبادلې کړې دي.
وانګ يي په دغو تليفوني خبرو کې ويلي، د چين دولت رئيس شي جين پينګ په تېر سپتمبر کې امريکا ته بريالی سفر کړی و او له خپل امريکايي سیال ډونالډ ټرمپ سره يې لېدلي و. دواړه مشران د دوه اړخيزو اړيکو د نوې پرمختيايي موخې د محتوياتو په اړه يووالي ته رسېدلي او د دواړو هېوادونو د ګډ ژوند د سمې لارې لپاره يې لا روښانه ستراتيژيکه لارښوونه کړې ده. د چين او امريکا د اړيکو اوسنی ثابت حالت چې په ستونزمنه توګه دغه ځای ته رسېدلی، د دواړو هېوادونو د خپلو او ګډو ګټو پر بنسټ غوره شوی منطقي انتخاب دی. چين چې د امريکا په اړه تګلاره يې ثابته او دوامداره ده، نيت لري له امريکايي لوري سره تماس نيونه او همکارۍ پياوړې کړي، خپلمنځي توپيرونه او حساسې مسئلې ورسره په معقوله توګه حل کړي، د ۲۰۲۶م کال د اسيا او ارام سمندر سيمې د اقتصادي همکارۍ سازمان د مشرانو غير رسمي غونډې او د جي شل د سرمشريزې د برياليتوب په پار يو د بل ملاتړ وکړي او د دواړو هېوادونو رغنده ستراتيژيک ثابت مشارکت پرمخ بوزي.
