د چين د دولتي شورا د تايوان چارو دفتر وياند چن بين هوا د ډسمبر په ۱۸مه نېټه په یوه مطبوعاتي غونډه کې د خبريالانو پوښتنو ته ځوابونه ويلي دي.
ځينو رسنیو په خپلو راپورونو کې ويلي، د امريکا د ملي دفاع وزارت د امنيت همکارۍ ادارې اعلان کړی، چې د چين پر تایوان به د ۱۱ میليارډو ډالرو په ارزښت پوځي وسلې وپلوري او د تايوان ډيموکراتيک پرمختګ ګوند ورڅخه مننه کړې ده.
چن بين هوا ويلي، د تايوان مسئله د چين د مرکزي ګټو هسته او د چين او امریکا د اړیکو لپاره نه تېرېدونکې سره کرښه ده، خو امريکا بیا هم په ډاګه د چين پر تایوان د ګڼو وسلو د پلور پلان اعلان کړی دی.
چن بين هوا د امريکا دغه اقدام د چين په کورنيو چارو کې لاسوهنه بللې او په خبره یې، د واشنګټن دغه کړنه د يو چين پېژندنې له اصل او د چين او امریکا له درېيو ګډو اعلاميو سره په ټکر کې ده او د تايوان بېلتون غوښتونکو ته يې ناسمه نښه ورکړې ده.
چين د امريکې له ياد اقدام سره کلک مخالفت ښودلی او په سختو ټکو يې غندلې دی.
چن بين هوا د ډيموکراتيک پرمختګ ګوند ته هم پيغام ورکړی، چې د چين د يووالي مخه نه شي نيولی او که د تايوان بېلتون غوښتونکي له دغې سرې کرښې څخه د پښې اړولو جرئت وکړي، نو بېجينګ به خامخا په غوڅ ګام سخته ضربه ورکړي.
