د احصايې او مالوماتو ملي ادارې سږ کال په هېواد کې د ۱۵۹ زره مټریک ټنه پنبې د تولید کېدو خبر ورکړی دی. سرچینې د یوې خبرپاڼې په خپرولو سره ویلي چې د احصایې او مالوماتو ملي ادارې روان کال په هېواد کې په لومړي ځل په ۱۵ ولایتونو کې د پنبې سروې ترسره کړې ده، چې پر اساس یې په ټول هېواد کې ۱۵۹ زره مټریک ټنه پنبه تولید شوې ده. د خبرپاڼې د مالوماتو له مخې د دې سروې ارقام ښيي، چې د تېر کال په پرتله د پنبې په تولید کې ۳۰ سلنه زیاتوالی راغلی او تر ټولو ډېره پنبه په هلمند ولایت کې ۸۰ زره مټریک ټنه، په بلخ کې څه باندې ۳۴ زره مټریک ټنه، کندهار کې څه باندې ۱۱ زره مټریک ټنه، جوزجان کې نږدې ۱۱ زره مټریک ټنه او ننګرهار ولایت کې څه باندې ۵ زره مټریک ټنه پنبه تولید شوې ده.
سږ کال په هېواد کې ۱۵۹ زره میټریک ټنه بنبه تولید شوې
Get real time update about this post categories directly on your device, subscribe now.
- Trending
- Comments
- Latest
