زابل کې ۵۴ پراختیايي پروژې پلې شوې دي

د زابل ولایت ځایي چارواکي وایي، چې روان ۱۴۰۳ کال په دغه ولایت کې ۵۴ پراختیايي پروژې د سرپرست حکومت له داخلي بودیجې پلې شوې دي. د چارواکو په خبره ۵۹ نورې پروژې بیا د بېلابېلو موسسو له لوري پلې شوي، چې شاوخوا څلور میلیارد افغانۍ لګښت پرې راغلی دی. چارواکي وايي، دغه پروژې د بیارغونې، روغتیا، کرنې، پوهنې او بېلابېلو برخو کې تطبیق شوي چې د خلکو د ژوند ښه‌والي لپاره ګټورې تمامې شوي. سره له دې چې د زابل چارواکي وايي، د پرمختیايي پروژو په تطبیق سره د خلکو په ژوند کې مثبت بدلون راغلی، خو د دغه ولایت د ولسوالیو او لرې پرتو سیمو اوسېدونکي د لا زیاتو خدماتو او کاري فرصتونو غوښتنه کوي.