د سرپرست حکومت اقتصادي مرستیالۍ خبر ورکړی، چې په ۱۴۰۳ لمریز کال کې د ۲۵ کوچنیو کانونو د کیندنې پروژې منظورې شوې دي. سرچینې ویلي، په بېلابیلو ولایتونو کې د مرمرو ،نفرایتو، ګچ او سرپنتین د ډبرو کانونو د کیندنې پروژې تایید شوې دي. دغې مرستیالۍ په یوه خبرپاڼه کې لیکلي چې دوی په ټول توان هڅه کوي د خپل ولس اقتصادي ستونزو ته د پای ټکی کېږدي او د هېواد اقتصاد د بهرنیو مرستو پر ځای یوازې پر خپلو داخلي سرچینو متکي کړي. د سرپرست حکومت اقتصادي مرستیالۍ د ۲۵ کوچنیو کانونو د کیندنې د پروژو یو لېست ترتیب کړی دی. په دغو پروژو کې د غور ولایت د تولک ولسوالۍ د زلیچه سیمې د تراورتین ډبرو پروژه ، د هرات ولایت د چشت شریف ولسوالۍ د جرتاخومک سیمې د مرمر ډبرو پروژه، د بامیان ولایت د یکاولنګ ولسوالۍ د سرب او جستو د دوو بلاکونو پروژې شاملې دي.
اقتصادي مرستیالۍ: سږ کال د ۲۵ کوچنیو کانونو د کیندنې پروژې منظورې شوې
Get real time update about this post categories directly on your device, subscribe now.
- Trending
- Comments
- Latest
