د افغانستان بانک اعلان کړی چې سبا د سې شنبې په ورځ ۱۵میلیونه امریکايي ډالره د داوطلبۍ له لارې لیلاموي. د افغانستان مرکزي بانک نن د یوه ټویټ په خپرولو سره سوداګریزو بانکونو، صرافانو او د پولي خدمتونو له شرکتونو چې پر شرایطو برابر وي غوښتي څو په دې داوطلبۍ کې ګډون وکړي. یاد بانک زیاته کړې چې د لیلام ګټونکي باید خپل حسابونه د لیلام ورځې تر پایه تصفیه کړي. مرکزي بانک زیاته کړې چې د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي او د داوطلبۍ ګټونکي به د خپل ذمت د قیمت پیسې په یو ځل، په نغد ډول او په ټاکلې موده کې د افغانستان بانک ته سپاري.
د افغانستان بانک سبا ۱۵ میلیونه ډالر لیلاموي
Get real time update about this post categories directly on your device, subscribe now.
- Trending
- Comments
- Latest
