د سرپرست حکومت د بهرنیو چارو وزارت وايي چې متحده عربي اماراتو د ۵۴ افغان بندیانو له خوشې کولو سره هوکړه کړې ده. دغه وزارت په یوه خبرپاڼه کې ویلي چې دا هوکړه د دې وزارت او په ابوظبۍ کې د افغانستان د سفارت د هڅو په نتیجه کې شوې ده. بهرنیو چارو وزارت د اماراتو له مشرتابه مننه کړې چې د دغو افغان بندیانو د خوشې کولو په هوکړه کې یې همکاري کړې ده. یاد وزارت د خوشي کېدونکو بندیانو نوملړ خپور کړی، خو دا یې نه دي ویلي چې دوی د کومو جرمونو له امله بندیان شوي وو. دغه راز، د بندیانو د دقیقې خوشې کېدا د نیټې په اړه هم جزییات نه دي ورکړل شوي.
متحده عربي امارات ۵۴ تنه افغان بندیان خوشې کوي
Get real time update about this post categories directly on your device, subscribe now.
- Trending
- Comments
- Latest
