د کډوالو سرپرست وزیر؛ د ناروې له شارژدافیر پير البرټ الساس سره کتلي

دکډوالو او راستنېدونکو چارو وزارت سرپرست وزیر د افغانستان لپاره د ناروې هېواد له شارژدافیر پير البرټ الساس سره کتلي دي. ياد وزارت په خپره کړې خبرپاڼه کې ويلي چې پير البرټ الساس په دغه کتنه کې له پاکستان څخه په جبري ډول د افغان کډوالو پر ایستلو نیوکه کړې او ويلي يې دي، چې د ناروې حکومت د نړیوالو بنسټونو له لارې د افغان کډوالو لاس نیوی ته دوام ورکوي. په ورته وخت کې د کډوالو او راستنېدنکو چارو وزیر مولوي عبدالکبیر له افغانانو سره په بشري برخه کې د ناروې هېواد له مرستو څخه مننه کړې. هغه زیاته کړی، چې ا.ا له تبعیض پرته ټولو افغانانو ته خدمات وړاندې کوي او افغان حکومت د هېواد د رغونې او پرمختګ لپاره هڅې کوې.