د چين دولت رئيس شي جين پيڼګ د جون په ۱۷مه نېټه په استانا کې د چين او منځنۍ اسيا په دويمه سرمشريزه کې د ګډون په وخت کې د ازبکستان له ولسمشر ميرومونويچ ميرزايوف سره وکتل.
شي جين پينګ په دې لیدنه کې وويل، چين غواړي له ازبکستان سره د ګډ پرمختګ ستراتيژي پياوړې کړي او د حکومتولۍ تجربو شريکولو په اړه د نظريو تبادله زياته کړي، د ګډو ګټو پر بنسټ لا زياتې همکاريزې پروژې تر سره کړي، د يو او بل هېواد په پرمختګ کې مرسته وکړي، په ګډه د چين او ازبکستان د ګډ برخليک ټولنه جوړه کړي.
ميرزايوف هم وويل، چې اوسمهال د نړۍ د ټولو مهمو مسئلو حلول چين ته اړتيا لري. ازبکستان له چين سره دوستۍ ته په درنه سترګه ګوري او له چين څخه مننه کوي چې د ازبکستان د اقتصاد او ټولنې د پرمختګ په لپاره يې بې شرطه ملاتړ کړی دی او د يو چين پېژندنې پر اصل ټيڼګار کوي.دواړو مشرانو د منځني ختيځ حالاتو په هکله د نظريو تبادله کړې ده. شي جين پينګ وويل، چې اسرائيل پر ايران نظامي بريد کړی او دې کار په منځني ختیځ کې حالات لاپسې ترينګلي کړي دي. چين په دې هکله ژوره انديښنه لري. چين د نورو هېوادونو ځمکنۍ بشپړتيا او ملي حاکميت پر ضد له هر ډول کړنې سره مخالفت کوي. شي جين پينګ زياته کړه، بېلا بېلې خواوې بايد د شخړې د ژر ختمولو لپاره هڅه وکړي او د شخړې د سختوالي مخه ونيسي. چين غواړي له بېلا بېلو خواوو سره ګډې هڅې وکړي او د منځني ختيځ د سولې او ثبات ټينګښت لپاره مثبت رول ولوبوي.
